من العادة...إن في المناسبات اللي بتتكرر كل سنة ...لما بنشوف حد بنقوله...كل سنة وإنت طيب...أو كل عام وإنت بخير
مش فرض عليك....و مش عبادة
من العادة برضه...إنك لما تقوم من النوم...بتغسل سنانك و وشك
مش فرض عليك..ولا عبادة
من العادة كمان.....إنك بتقفل النور لما تيجي تنام......فيه ناس مابتعملش كل ده
لأنه مش فرض عليك....ولا عبادة
هو ده اللي جه في ذهني..لما قريت تصريح وزير الأوقاف للوفد عن عدم السماح لأي مرشدة دينية بلبس النقاب
وإن أي واحدة حتخالف التعليمات دي...حتتنقل من الإرشاد الديني و توعية الرأي العام
ليه؟؟..لأن النقاب عادة ...لا هو فرض...ولا عبادة
المفروض إن سيادة الوزير الزقزوق برر ....و المفروض إن إحنا نقول له...جزاك الله خير..و أحسنت...وعقبال البكاري
يعني لما تكون عندك عادة....مش ماشية مع نظام الدولة....اللي هو دلوقت..محو ما يشير لأي علاقة أو وجود للأخوان المسلمين....يبقى مش من حقك إنك تمارسها....و إلا سيتم عليك التمييز المقنن...و تحرم من شغلك اللي بتحبه...أو أي حاجة تانية
إذا كنت أنا ضد النقاب....فلن أفرض على زوجتي عدم لبس النقاب
و إذا كانت زوجتي ضد اللحية...فلن تفرض علي حلاقة الذقن
و إذا كانت الدولة ضد التدين..فلن ترغم الشعب على الإنحلال و العربدة
و إذا كان الشعب ضد الفساد.....فإحذروا.......أيها المفسدون
أعتقد أن هذا القرار سياسيا 100% ولا مجال للشك في إنه من أجل قطع كل طرق الإتصال لأفراد منتمين للإخوان المسلمبن من أداء وظيفتهم المرتبطة بنشاطهم الإجتماعي و الديني
و خروج الإخوان من الملعب السياسي عملية غير صحية بالمرة..لأن الإخوان بقت كتلة سياسية مهمة في خانة المعارضة...وعدم وجود تمثيل رسمي ليها في البلد....حيبقى مفيش أمل قدام حد...وحيسرع بالإنفجار الشعبي...اللي حيجي...حيجي
هناك تعليقان (2):
مبروك عليك المدونة الجديدة
و الإجابة بتاعة سؤالك على فين يا مصر ؟
على سكة اللى رايح و مش راجع
الله يبارك فيك...ويبارك مصر بيك...لأنها بينا...مش بغيرنا...ممكن تروح و ترجع...أو ماترجعش
بس أنا بس أنا حالف ماسيبها تروح ولا ترجعش
لازم تروح وترجع بألف سلامة
إرسال تعليق