يا جماعة و الله أنا ضغطي عالي!!!!!!!!
يعني في لقاء صحفي مفاجيء نكتشف إن ليلة تنفيذ الإعدام في صدام...الريس المبارك .....اللي مجابتوش ولادة.....و اللي مفيش مصري ممكن يقدر يحل محله.....نصح الريس البوش بإن حيبقى فيه "تداعيات خطيرة" لو فعلا أعدم صدام يوم العيد!!!!!
بعدها على طول....مش على طول قوي...بعد ما الكل تأكد من إن أثيوبيا هي قائدة الهجوم على المحاكم الصومالية.......و إن أمريكا مدية الضوء الأخضر(إن ماكنتش مدية الفرمان!!!)....نسمع التعليق المتأخر قوي.....بإننا متفهمين موقف أثيوبيا..من إيه؟؟؟...من إحتلال دولة عربية.....عربية؟؟؟!!!...آه والله عربية......يبقى تستاهل إللي يحصل فيها
المفاجأة.....لما نكتشف...في آخر لقاء صحفي....إن الإخوان المسلمين...بالمفتشر كده...لو حكمت....حيبقى خطر كبير جدا على مصر...يعني إيه.!!!!....يعني مايحكمش
يبقى أيها الأخوة المواطنون البهايم....اللي مافهمتوش من واقع تجربة المحاكم الصومالية.....اللي لما القبائل زهقت من أمراء الحروب و قالت إحنا إتسرقنا كتير....نتجمع على الحرامية...العصبجية....و نحكم نفسنا بنفسنا....و نخلي رؤساء المحاكم هما اللي يلمونا
يعني ماقالوش دولة إسلامية؟؟؟!!!!!....أبدا...ماقالوش......طب والحال بقى إزاي؟؟؟؟......أحسن من زمان.....لأن الحرامية هربوا...
طيب إحنا مالنا ومال الصومال دلوقت؟؟؟؟ ...ماخلينا في اللي إحنا فيه!!!!!!.....مانا جايلك في الكلام أهو....ماهو لماأمريكا ضربت....جت الفكرة الجهنمية لتأصيل الديمقراطية المصرية على الطريقة المهلبية...و جابوها على بلاطة....شفتوا حماس لما مسكت الحكم إيه اللي حصل!!!!!!......و المحاكم في الصومال حصل في البلد إيه!!!!!!!!!......تخيلوا بقى لو حصل و الإخوان حكموا مصر!!!!(مع العلم إن لا حماس قالت دولة إسلامية...ولا المحاكم الصومالية الشرعية.......و الإخوان عايزين وضع طبيعي.....حزب ذو مرجعية...دينية .أيدلوجية...إجتماعية...براحتهم...ولا لازم الحزب يبقى و طني و بس!!!!)
ياسلام!!!!!.....يعني المطلوب من الشعب الطيب...الغلبان....الأهبل...إنه يعمل زي ما عملوا...اللي بيسموهم...النخبة المثقفة
فاكرين النخبة المثقفة......اللي قعدت أيام الصمت تغني و تقول ...إديها كمان حرية.....و لا للتزوير...و لما جه وقت الجد...و الإخوان دخلوا النسبة المحظورة....المثقفين يقولوا إيه؟؟؟؟....يقولك...لازم الحكومة تتدخل لمنع الإخوان من الوصول للحكم....يا حلاوة!!!!...........يبقى نار القديم ولا جنة الجديد.....يبقى يلعن أبو الإرادة الحرة للشعب ولا إن الإخوان يمسكوا الحكم
و كل ده طبعا....قبل التعديلات الصورية...قصدي الدستورية.....المسئولة عن حنكشة و منكشة و فنكشة ولي العهد و النخبة الحاكمة
أوعوا تكونوا فاكرين إن اللي على راس الأورطة هو اللي فعلا بيحكم....ده بس المتحدث الرسمي مع شوية سلطات...فلازم لما يجي ولي عهد المتحدث الرسمي.....يبقى العقد حيتغير......و لازم نضمن نصيبنا في التورتة.....و الريس و كبير الوزرا يبقوا سون فاسون...سوا سوا هماحبوا بعض...علشان ماحدش يطمع في التورتة
قلتلكم ضغطي عالي.....يبقى أجيب من الآخر....البلد لازم تبقى هي اللي تقول مين يجي...مين يروح...ولا أعضاء مجلس الشعب...ولا أعضاء محلي.....أي مصري إبن مصري و أمه ست الستات مصرية....له الحق إنه يقول ...أنا أنفع أحكم مصر...لو الشعب قاله ماشي...يبقى ماشي.....و زي ا الشعب جابه..الشعب يخلعه....ده النسوان بيعملوها.....مابالك الشعب كله...مش حيعرف؟؟!!!!
و الله كنت حنسى....قال بيقولك إيه ...في موضوع التعديلات المتعدلة...إن بنقترح الأحزاب ترشح من عندها فترة كده بتاع كام سنة....بونبوناية كده يعني علشان يتفقوا مع الأحزاب على الإخوان....والله اللي إختشوا ماتوا
و يجي بقى يختمها...يقولك لا للحجر على إرادة الشعب...حلو قوي....ده بالنسبة لكل حاجة طبعا؟؟؟ لأ...بس علشان فترة التمديد تبقى مفتوحة......يعني لو قلناالريس يبقى مدتين بس......الشعب حيدبدب في الأرض و يقول لأ....ماليش دعوة.....أنا مفيش ريس يقلعني من رجله أبدا إلا بعد عمر طويل إن شاء الله
قلتلكم أنا عندي الضغط؟؟؟....أروح آخد الدوا بقى....السلام عليكم
هناك تعليقان (2):
بسم الله الرحمن الرحيم
عندك حق واللع ياعم شادي امتى هنفوق بقى من الدوامة دي ونقول كلمتنا قبل ما نغرق كلنا ومحدش يعرف ينجدنا ولا نسيب نفسنا للعيلة المالكة هيه اللى هتمشي أمور حياتنا وأقولك خلينا بقى مملكة مصر المهلبية أحسن
مروة أمين
شكرا ليكي يا مروة...وحشتيني إنتي و التييم و باقي الشلة
و أحب أبشرك إني متفائل خير....شباب كتير قوي بدأوا يتكلموا و يعملوا باللي بيقولوه
البلد صحت...و لو إن صحيانها بينذر بمصادمات..إنما الحرية تمنها غالي
ماتحرميناش من تعليقاتك
إرسال تعليق