أيوان..أيوان...حاضل حاضل حاضل
أجيب من الآخر؟؟!!!
عبد المجيد الخولي
أيوان...هو اللي رجعني للتدوين تاني
بعد أكتر من أربع شهور
و بعد ماكتبت ...بعد نكسة الدستور...لعم الحاج و قلتله حأسمعك إيمان بكري
و بعد ماستنيت خطوات و تحركات لتدريب حقيقي للعصيان المدني
اللي صفصف ..يا ولداه على دعوة...خليك بالبيت...اللي متأكد إنها إتهدت..على الأقل في بورسعيد..مع أول إرتفاع لمعدل درجات الحرارة...و غرقت في بحور العرق و شواطيء البحر
و عدنا...و اللي رجعني إيه؟؟...حاجة عظيمة جدا...عم الحاج
الحاج عبد المجيد الخولي
خلاني أقوم من جنب مراتي...بعد سنة غياب...و أقوم أكتب عنه
منى الشاذلي سمته فلاح2007 الفصيح
و أنا بأعتذرلها
لأن الفلاح الفصيح كان بيشتكي شكواه الخاصة لحاكم البلاد
أما عم الحاج
هوه هوه هوووه
ده فتح أودة العمليات
و حط إيده على الجرح
و شرحه للتلامذة...و قال العلاج...و رسم الطريقة...و الباقي عليكم إنتم يا كتاكيت
عم الحاج متكلمش على نفسه...ولا على مشكلته الخاصة
عم الحاج فصص البلد و حالها و اللي جرالها
و جاب المدينة جنب الريف و قاللها ..كلنا في الفرن يا بطاطا
وأنا اللي كنت فاكر إننا عايزين نصحي إسمه إيه ده..الشعب
ده الشعب صاحي و فايق وواعي
و مستني التكة....مجدي مهنا بيقول إنه مستني البطل....لأ..ده مستني اللي يوارب الباب...و يقوله..أنا حعدي أول خطوة...على الطريق الصح..ويرسم بكرة بخط حديد....و يسند ضهر و يمسك إيد ...ولما يقوله حجيلك بكرة...يقوله بكرة حيجي أكيد
حرجع قريب
سلام مؤقتاً
