يارب ياربنا....نكبر و نبقى قدها

والظاهر حنفضل زي ماحنا.....يعني فينا اللي مكفينا...و الثور الأسود مع الثور الأبيض على نفس الصينية و جاهزين على الأكل!!!!!....و إحنا زي ما إحنا
ناصري بيشتم في ساداتي و يقوله ده السادات كان......
يقوم الساداتي يقوله إقرا كويس عبد الناصر كان......
يجي واحد يقولهم يا جماعة أعدموا صدام بقرار أمريكاني و.....
يقولهم صدام ده كان........
يعني سيبنا مصايبنا الكبيرة و تعذيب التخشيبة و ألسنة حرة ورا القضبان الباردة
و سيبنا بلد عايزة تتغير...شبعت من الترميم....عايزة إحلال و تبديل ...
عايزة الشباب ده...إللي إتكلم...إللي قال لأ...و كفاية...و بتكلم من قلبي
و قال كل حاجة من أجل التغيير
وقال أنا مع الكل...الإخوان...حتى لو مش واثق....كفاية....حتى لو مش فاهم
أحزاب ....حتى لو مش شايف...مع كل مصر...علشان خاطر مصر
علشان نقول دستور يا أسيادنا و إحنا أسيادكم
علشان نقول يا سيادة الريس...إنت موظف عندي
علشان نقول يا حضرة الظابط...الألقاب فعلاإتلغت
يعني إرادة...حرية....كرامة
يعني نتنيل على عين اللي جابونا و نشوف مصلحتنا
نتكلم في الجد
نخرب كل حيل أساطين السياسة في جحور الوطني
يقولك إنت شاذ يا وائل يا عباس
يقولك إنت دكتور بهايم يا عبد الحليم يا قنديل
يعني هي الشتيمة لزقت.....ما هو ماعندهمش حاجة يقولوها
حينسونامصر!!!!؟؟؟ فرصة إن التلامذة رجعوا للجد تاني
يبقى نستمر....علشان نستمر